Alltaf fjör í draumheimum!

Það hlaut að koma að því að eitthvað mundi gerast hérna, ekki satt? Þetta verður nú engin svaka færsla, er lengi búinn að plana það að skrifa einhverja smá færslu hérna til að hnoða lífið aftur í þessa annars ágætu síðu, og nú er komið að því.

Í nótt dreymdi mig afskaplega sérstakan draum. Það var þannig að ég og Guðjón Már vorum staddir í Öskju (þar eru flestar náttúruvísindagreinarnar kenndar í HÍ). Ég tók upp stóra og djúsý langloku, og þegar ég ætlaði að fara að gæða mér á henni stoppaði Guðjón mig og sagði:

"Ekki ætlarðu að borða pepperóníið sem er á þessu!? Notaðu þetta, miklu betra!" 

Hann tekur upp stórar pepperóní sneiðar úr vasa sínum og réttir mér brosandi. Ég tek við þessu og skipti út pepperóníinu á langlokunni minni. Nú þegar ég ætlaði að bíta í kræsingarnar,  stoppar hann mig aftur og tekur til máls:

"Hey! Ætlarðu ekki að hita þetta upp?"

"Hvernig á ég að gera það?" Svara ég.

Hann segir ekki orð, heldur tekur upp litla kínverjasprengju úr vasa sínum, setur í samlokuna mína og kveikir á. Svo springur langlokan mín í tætlur sem þeytast út um allt gólf. 

Ég varð ekki lítið sár og svekktur yfir örlögum langlokunnar, en ég veit ekki hvað gerðist næst því þarna vaknaði ég.

 

Það er alltaf gaman í draumheimum!

Athugasemdir

[Snorri Þorvaldsson, 26.2.2009 kl. 13:19]

hahahahahah, snilldar draumur

[Örvar... (IP-tala skráð) 26.2.2009 kl. 14:39]

Var þetta kannski Kjarnafæði pepperoni auglýsing...?

[Rúna Guðfinnsdóttir, 26.2.2009 kl. 19:58]

Hreint dásamlegt

[Guðfinnur Þorvaldsson, 27.2.2009 kl. 14:01]

Ekki svo ég viti Örri, en hver veit